Analığın ilk günlərinin təlaşı təbii ki, sizin bədən quruluşunuza və zahiri görünüşünüzə nəzərə çarpacaq dərəcədə təsir etmişdir. Lakin ola bilər sizə elə gəlsin ki, hazırda diqqəti bunda cəmləşdirmək vaxtı deyil, çünki evdə ilk növbədə daimi diqqətə ehtiyyacı olan körpə peyda olmuşdur. Siz bu cür düşünməklə səhv edirsiniz. Xatırladaq ki, siz təkcə ana deyil, həm də həyat yoldaşı və qadınsınız, bu səbəbdən cazibədar və zərif görünməyinizin qeydinə qalmalısınız. Ona görə də imkanınız daxilində mütləq özünüzə fikir verin! Bunu necə etməyi aydınlaşdırmaq üçün isə biz bir neçə məsləhətlərimizi diqqətinizə çatdırırıq. Uşaqla gəzintiyə çıxma fürsəti əlinizə düşən kimi dərhal ondan yararlanın. Hətta supermarketə etdiyiniz ən adi səfərinizə etinasızlıq etməyin, bu sizin əhval-ruhiyyənizə və ovqatınıza müsbət təsir göstərir. Gənc ananın gimnastika və idmanla məşul olması isə yalnız həkimin icazəsi ilə mümkündür. Lakin sahə ginekoloqu sizə kompleks sağlamlaşdırma məşlərini mütləq tövsiyyə edəcək, bu məşqləri da doğum evindən qayıdana qədər yerinə yetirmək lazımdır. Belə məşqlər bədəninizin adət etdiyiniz formaya qayıtmasına yardım edəcək. Bundan başqa, müntəzəm məşqlərin faydası yalnız fiziki duruma müsbət təsirini göstərməklə məhdudlaşmır, o həmçinin cüzi psixoloji yardımını da büruzə verir – məlumdur ki, bədən tərbiyəsi gözəl anti-stres vasitəsidir. Ginekoloq-həkimlər doğuşdan sonra analara müəyyən müddət ərzində sağlamlaşdırıcı-kontrast duşları qəbul etməyi tövsiyyə edirlər. Yeri gəlmişkən, bu xoşagələn vəzifədir, elə deyilmi?! Həmçinin yadda saxlayın ki, isti duşdan və ya vannadan sonra soyuq suyun axıdılması əzələlərin (qarın, sinə) tonusunun qaldırılmasına yardım edir, bədəni və psixi sağlamlığı möhkəmləndirir. Sizin əllərinizə, sifətinizə, bədəninizə yaxşı qulluq olunmalıdır. Bununla siz təkcə özünüzə deyil, həm də ətrafdakılara zövq verəcəksiniz. Həkimlər dəriyə qulluq vasitələrinin seçimində diqqətli olmağı tövsiyyə edirlər. Bu vasitələr hipo-allergik və yüksək keyfiyyətlidir. Yaxşı olardı ki, dərinin təbii balansını pozan yuyucu vasitələrdən və sabundan uzaq olasınız. Doğuşdan sonra əlavə bir problem meydana çıxır: saçlar kövrək və tökülməyə meylli olmağa başlayır, parlaqlığını itirir və bu səbəbdən xüsusi qulluq tələb edir. Qanın saç köklərinə daha intensiv şəkildə daxil ola bilməsi üçün baş dərisini azacıq masaj etmək, onların müdafiəsini təmin etmək üçün müvafiq vasitələr əldə etmək lazımdır. Əgər bir neçə ay ərzində saçınızın vəziyyəti sizi yenə də qane etməsə, həkim-dermatoloqa müraciət edin. Uşaq sizi gərgin qrafik çərçivəsində saxlayır? İstirahətə etinasızlıq etmək olmaz. Siz bunun üçün vaxt ayırmalı və ən yaxşısı bunu körpə yatdıqda və ya ailənin digər üzvlərinin nəzarəti altında olduqda etmək lazımdır.
|
Yaxşı görünməyə çalışırıq