Suda doğumun faydaları nələrdir?
Əsl fayda, doğum əsnasında ananın daha rahat və ağrısız doğum müddətini yaşamasına köməkçi olmaqdır. Suyun istiliyi və qaldırma gücü səbəbiylə rəhmə gedən qan axını artar, rəhmin sıxılmaları artar, artan oksigen səbəbiylə ağrılar azala bilər. Su vaginanın ağızını, yəni körpənin çıxış nöqtəsini daha zəif hala gətirə bilər. Bu da o bölgənin doğumda cırılması ehtimalını azalda bilər. Körpə üçün isə, elmi məlumatlardan çox suda doğumu reallaşdıran tibbi personalın və anaların müşahidələri əsaslıdır. Bu insanlar körpənin maye olan bir mühitdən yenə mayenin olduğu bir mühitə doğularaq daha yumşaq və stresssiz bir keçiş etdiyini və bu körpələrin daha az ağlayan, daha sakit körpələr olduğunu qey edir.
Suda doğum nə qədər etibarlıdır?
Bu mövzuda edilmiş olan ən əhatəli və etibarlı iş 1999-cu ildə British Medical Journal adlı İngilis tibb jurnalında nəşr olundu. R. Gilbert və P. Tookeyin etdiyi bu iş, 1994-96 illəri arasında İngiltərə və Gallerdə reallaşmış olan 4029 suda doğumu əhatə etməkdə idi. Bu işə görə, o illərdə edilən hər min doğumdan altısı suda doğum olaraq reallaşmışdı. Araşdırmaçılar suda doğan bu körpələrin ölüm və yeni doğan reanimasiya modullarına yatırılış nisbətlərini, normal olaraq quruda doğan körpələrin nisbətləriylə müqayisə etdilər. Çıxan nəticəyə görə suda doğan körpələrdə görülən ölüm nisbətiylə quruda doğan körpələrin nisbətləri arasında bir fərq yox idi. (Hər ikisi də mində 1,2-1,4 ətrafında idi). Yeni doğulan reanimasiya modullarına yatırdılma riski baxımından da hər iki qrupun nisbətləri eyni idi. Suda doğum namizədlərinin hamiləlikləri boyunca bir problemlərinin olmaması lazımdır.
Kimlər suda doğa bilməz?
İnfeksiyası olanlar, körpənin başının deyil ayaq hissəsinin rəhm ağızına yaxın olduğu hamiləliklər, erkən doğumlar, pre-eklampsiya (hamiləlik zəhərlənməsi) və ya diyabet (şəkər) kimi xəstəlikləri olanlar, körpəsində inkişaf geriliyi müəyyən olunanlar, doğum əsnasında körpənin ürək atışlarında bir oksigen azlığı şübhəsi olanlarda.
Suyun istiliyi necə nizamlanmalı?
İsti suyun əzələləri boşaltdığı və ruhi rahatlama təmin etdiyi bilinməkdədir. Bunun nəticəsində rəhmə gedən qan axını artar və rəhmin sıxılmaları daha az ağrılı ola bilər. Çünki artan qan axınıyla birlikdə, rəhm əzələlərinə gedən oksigen nisbəti də artar. Bu, eyni zamanda rəhm əzələsinin daha yaxşı sıxılmasına və bu sayədə doğum müddətinin daha qısa olmasına yol aça bilər. Bədən istiliyi olan 37 dərəcə, suyun da istiliyi olmaq baxımından ideal bir dərəcədir. Suyun istiliyi doğum əsnasında davamlı ölçülməli və həmişə 37 dərəcədə qalması təmin edilməlidir.
Doğum hovuzunun təmizliyinin əhəmiyyəti nədir?
Doğum hərəkəti əsnasında hovuz suyu amniotik maye (körpənin kisəsindəki maye), qan, sidik və bənzəri maddələrlə çirklənər. Bu, həm körpənin həm də ananın doğum sonrası infeksiya riskini artıra bilər. Bu səbəblə, hovuzun suyu müəyyən aralıqla dəyişdirilməli, hovuzdakı xarici maddələr süzgəc vasitələrlə çıxardılmalı və hovuz suyu infeksiyalara qarşı qorunmalıdır.
Körpə suyun altında nəfəs alar mı?
Normal şərtlərdə körpə suyun altında nəfəs almaz. Suyun istiliyi və körpənin başının suyun içində olması nəfəs alma refleksini mane olar. Soyuq isə, nəfəs alma refleksini qızışdırar. Körpənin başı isti suyun içindən çıxardılıb daha soyuq olan havayla təmas etdiyində nəfəs alma refleksi hərəkətə keçər və körpə nəfəs almağa başlar. Körpənin suyun içində olduğu bir neçə saniyə içində körpə oksigeni bütün hamiləlik boyunca olduğu kimi, ana qanı vasitəçiliyi ilə alar. Körpənin suyun altında nəfəs almağa çalışması və bu səbəblə ciyərlərinə su qaçması, doğumda, doğum kanalından keçərkən oksigenlənməsini azaldıcı bir stress yaşadığı vəziyyətlərdə ola bilər. |
