| Yeddinci – Onuncu aylar
Siz hələ bu yaxınlarda sizin körpənin burnu ilə nəfəs alaraq sakit çarpayıda yatdığını xatırlayırsınızmı? Siz tərəhhümlə və sevinclə ona baxırdınız və onun iməkləyəcək, oturacağı, ayağa duracağı və böyüməyə başlayacaq anları xəyallarınızda canlandırırdınız.
Həmin nisbətən dinc anlar qurtarmışdır. İndi körpə iməkləməyi öyrənmişdir və fəal şəkildə əvvəllər bacara bilmədiyi məsafələri qət edir. Sizin ortalıqdan götürməyi və gizlətməyi yaddan çıxartdığınız hər şey əvvəl-axır onun əlinə keçəcək, sonra isə onu ağzına alacaq.
İndi valideynlər üçün kəşfiyyatçılar kimi əsas söz “ayıq-sayıqlıq” sözüdür. Siz artıq dərmanların, qaynar, acı, tez sınan və son dərəcə miniatür obyektlərin körpənizin əlinə keçməməsini təmin etməlisiniz.
Hərəkət mütəhərrikliyi sürətli templə inkişaf edir: körpə nəinki oyuncağı tutmağı və əlində möhkəm saxlamağı, həmçinin onun bir əlindən digərinə ötürməyi və “dişi ilə” yoxlamağı, silkələyərək döşəməyə atmağı (məqsədi isə bununla nə olacağını yoxlamaqdır) bacarır. 6-cı ayda körpələrin əksəriyyəti adətən arxasından qarnı üstə çevrilməyi, dəstəklə oturmağı, obyektlərə diqqətlə baxmağı, onları əlində oynatmağı, böyüklər onun oxşadıqda sevinməyi, gülümsəməyi bacarır.
8-9-cu aylarda uşaq sərbəst yaxşıca oturmağı, dəstəklə ayağa qalxmağı, qarnı üstə və əksə istiqamətə çevrilməyi, qarnı üstə uzanaraq əlinə söykənməyi, oyuncağı asanlıqla götürməyi, xışıldayan obyektlərlə oynamağı, onları tullamağı və onların necə yerə düşdüyünü müşahidə etməyi, obyektlərə başı qarışarkən onları bir əlindən digərinə ötürməyi, onları bütün istiqamətdə fırlatmağı, eləcə də onlarla böyüklər oynayanda gülməyi, emosiyalar ifadə etməyi bacarmalıdır. 
|
