Sizin körpəniz böyüyür, onun artıq özünəməxsus xarakteri formalaşır, o çox şey bacarır. Məsələn o, asanlıqla yan tərəfə yaxud hətta qarın tərəfə çevrilə bilir, qarın üstə uzanaraq bazu önünə söykənməyi bacarır. O, həm də şüurlu surətdə oyuncağı seçib götürə, zövqünə görə yoxlaya, bir əlindən o birinə verə bilir. Körpə sizinlə görüşə sevinir, səsin gəldiyi mənbəyə doğru çevrilməyə başlayır, ona göstərilən obyekti gözləri ilə izləyir, adı çəkiləndə cavab reaksiyası verir. Sutkanın əksər hissəsini dinc yatan südəmər körpə enerjili tədqiqatçıya çevrilir. İndi günün yalnız 15 saatı ona kifayət edir, qalan vaxtları isə o mürgüləyir.
Müasir tövsiyələrə əsasən birinci qida kimi yaxşı olardı ki, sənaye istehsallı südsüz sıyıq – qarğıdalı, qarabaşaq və düyü sıyığı təyin edəsiniz. Belə sıyıqlar lazımi vitamin və minerallarla, sıyıqların hazırlandığı yarma zülalları ilə, vacib amin turşuları ilə zəngindir. Lakin əgər uşaq artıq bədən kütləsinə malikdirsə, ilk qida kimi yaxşı olardı ki, tərəvəz püresindən – lakin yenə də sənaye istehsallı – istifadə edəsiniz. Körpəyə hansı qidanın verilməsinin məsləhətli olması ilə bağlı yekun qərar körpənizə nəzarət edən pediatrınıza və ya ailəvi həkiminizə aiddir.
Dövri surətdə bütün südəmər uşaqlarda qidalanma ilə bağlı problemlər yaranır. Onlar da valideynləri narahat olmağa və hətta fikir çəkməyə məcbur edir və ümumilikdə ailənin normal həyatını pozur: uşaq yeməkdən imtina edir və ya həzmlə bağlı problemlər yaşayır, şıltaqlıq edir, və yatmaq istəmir və beləliklə də onunla birgə bütün ailə yatmır.
Lakin bu yaşda qidalanma və ya həzmlə bağlı problemlər tamamilə təbiidir və nəyin uşağı bu dərəcədə narahat etdiyini bildikdə onu aradan qaldırmaq heç də çətin deyil.
