 Ağlayan körpəni necə sakitləşdirməli
Hər bir cavan ana narahat, ağlağan körpə ilə üzləşır. Hər bir ana körpəsini sakitləşdirmək üçün böyüklərindən eşitdikləri metodlardan istifadə edib, lakin effekt görmədikdə çox narahat olur.
Bir çox metodlar vardır ki, bunların vasitəsilə siz körpənizi sakitləşdirə bilərsiniz. Lakin körpənizə fərdi yanaşın, axı Siz hələ onu yaxşı tanımırsınız, bunun üçün sizə zaman lazımdır. Biz sizə mümkün olan metodları təqdim edirik, bunların hər birini öz körpənizdə sınayın.
Bələmək.
Körpələr nə istədiklərini çox yaxşı bilirlər ana bətnində hiss etdiyi istilik, komfort və təhlükəsizlik hissi. Bunun üçün körpələrimizi isti örtüklə bələyək, bu onların xoşuna gəlir. Bəzi analar hesab edirlər ki, körpələrini qucağında saxladıqda, onlar analarının ürək döyüntülərini eşidib sakitləşirlər. Bəzi körpələr izə bələkdə özlərini diskomfort hiss edirlər və hərəkətlərinin məhdudlaşdırılmağını heç sevmirlər. Onda gəlin onlara başqa metod yürüdək.
Daimi ritm axtarışı.
Ana bətnində döl daima ananın ritmik ürək döyüntülərini eşidirdi. Məhz bu səbəbdən körpələr ana ilə daha yaxın kontaktda olmağı sevirlər. Onda gəlin narahat olan körpələrimizin yanında sakit mahnı səsləndirək və ya lay-lay oxuyaq.
Körpələrin yırğalanması.
Əksər uşaqlar yatmazdan əvvəl yırğalanmağı çox sevirlər. Lakin bu metoddan uzun müddət üçün istifadə etməyin, körpə yuxuya gedən kimi dayanın, əks halda uşaq buna vərdiş edər və yuxuya getdikdə belə onu yırğalamağınızı istəyər.
Sakitləşdirici massaj.
Sakitləşdirici massaj və ya kürəyinə və qarnına ananın incə toxunuşu bəzi körpələri çox yaxşı sakitləşdirir. Əgər uşağınızda sancı varsa, qarnını saat əqrəbi istiqamətində massaj edin, sonra isti əskini qarnının üzərinə qoyun. Bu metod bəzən çox yaxşı sakitləşdirir.
Sorma komfortu.
Bəzi yenidoğulmuşlar barmağını və ya əmziyi sorma ehtiyacı duyurlar. Bu onlara komfort və sakitləşdirici hiss verir. «Sorma komfortu» körpənizin ürək ritmini stabilləşdirər və sakitləşdirər.
Özünüzə qarşı bu qədər tələbkar olmayın.
Unutmayın ağlağan uşaq heç vaxt özünə zərər yetirməz, amma valideynlərini stressə salar. Cavan valideynlər çox vaxt körpələrini sakitləşdirə bilmədikdə özlərini qeyri-kompetent hesab edirlər və bu səbəbdən də çox üzülürlər. Əgər siz bütün lazım olanları, əlinizdən gələnləri etmisinizsədə və əminsiz ki, körpənizin heç bir fiziki narahtçılığı yoxdur, onda bir azda özünüzü düşünün. Dərindən nəfəs alın və otaqdan çıxın. Əgər bu kömək etsə, sakit mahnı səsləndirin və 10 dəqiqə dincəlin. Rəfiqələrinizə və ya qohumlarda olan analara zəng vurun, məsləhət alın.
Axı sizin gərginliyiniz, yorğunluğunuz, halsızlığınız körpənizə pis təsir edir. Unutmayaq ki, körpələr anaları daha yaxından hiss edir.
Üzülməyin ki, sizin körpə rəfiqənizinkindən daha çox ağlayır. Hər ikiniz üçün çətin olan bu dövr keçib gedecək, ardından yalnız körpənizin həyatının ilk aylarına aid xoş xatirələr qoyacaq.
|
