 Doğuşun ağrısızlaşdırılması
Doğuşlar nadir hallarda ağrısız keçir,ancaq ağrının da xüsusi mahiyyəti var: axı hər sancı uşağın doğumuna doğru bir addımdır. Sizə ağrısızlaşdırıcı vasitələr lazım ola bilər – bu sancıların gedişindən və sizin ağrı ilə bacarma qabiliyyətinizdən asılıdır. Ola bilər ki, onlara özünə-yardım metodikalarının köməyi ilə üstün gələ bilərsiniz, ancaq kəskinləşən ağrı dözülməz vəziyyətə çatarsa həkimdən ağrı kəsici vasitələr istəyin.
Epidural anesteziya: bu anesteziya bədənin aşağı hissəsindəki sinirləri təcrid edən ağrını aradan götürür. O, sancıların kürəkdə başladığı zaman effektiv olur. Amma, epidural anesteziyanı sizə hər xəstəxanada təklif etməyəcəklər. Onun tətbiqi elə hesablanmalıdır ki, keyləşdiricinin gücü doğuşun ikinci mərhələsinə qədər qurtarsın. Əks halda doğuş prosesi uzana, epiziotominin və maşanın qoyuluşu riski artırıla bilər. Epidural anesteziyanın yerinə yetirilməsi üçün təxminən 20 dəqiqə lazımdır. Dizlər çənəyə dirənsin deyə sizə kömbə kimi qıvrılmağı xahiş edəcəklər. Keyləşdirici vasitəni sprislə yana vururlar. Bu zaman iynə çıxarılmır, bu da lazım gəldikdə əlavə dozanı yeritməyə imkan verir. Keyimənin təsiri 2 saatdan sonra bitir. Bununla eyni zamanda bəzi hərəkətlərin ağırlaşması və əllərin əsməsi baş verə bilər. Belə hallar tezliklə aradan qalxır.
Təsiri: ağrı keçib gedir, huşun səlistliyi qorunur. Bəzi qadınlar zəiflik və baş ağrısı hiss edir, həmçinin ayaqlarda bir neçə saat davam edən ağırlıq hiss olunur. Uşağa heç bir təsir etmir.
Oksidləşmiş azot: bu qaz qarışığı ağrını tam aradan qaldırmadan onu əhəmiyyətli dərəcədə azaldır və eyforiya törədir. O, doğuşun 1-ci dövründə tətbiq edilir. Qaz birləşməsi şlanqla aparata qoşulmuş maska vasitəsilə daxil olur. Qazın təsiri yarım dəqiqədən sonra özünü büruzə verir, bu səbəbdən sancılar başlanan kimi bir neçə dəfə dərin nəfəs alın.
Təsiri: qaz ağrını zəiflədir, lakin onu tam aradan qaldırmır. Nəfəs alma zamanı siz baş gicəllənməsi və ürək bulanması hiss edəcəksiniz. Uşağa heç bir təsir göstərmir. Promedol: bu dərman doğuşun 1-ci dövründə zahı (təzəcə doğmuş qadın) həyəcanlandıqda və onun rahatlaşması çətin olduqda qəbul edilir. Promedol inyeksiyasını yana və ya ombaya vururlar. Təsirini göstərməsi: 20 dəqiqədən sonra, davam etmə müddəti – 2-3 saat. Təsirin başlanması – 20 dəqiqə, təsir müddəti – 2-3 saat.
Təsiri: promedol özünü müxtəlif formalarda büruzə verir. Kimlərəsə bu sakitləşdirici kimi təsir edir, rahatlaşdırır, yuxu gətirir, hərçənd ki, dərmanı qəbul edənin huşu tam saxlanılır. Bəzən özünə nəzarətin itməsi, məst olma kimi şikayətlər də olur. Sizdə ürəkbulanması və baş gicəllənməsi halları ola bilər. Promedol körpədə nəfəsalmada sıxıntı və yuxu gətirmə halları yarada bilər. Doğuşdan sonra tənəffüsü asanlıqla stimullaşdırmaq olar, süstlük halları isə özü-özünə keçib gedir.
Elektro-stimulyasiya: elektro-stimulyasiya aparatı ağrı hissini azaldır və ağrının dəf edilməsinin daxili mexanizmini stimullaşdırır. O, dəri vasitəsilə kürək nayihəsinə təsir edən zəif elektro-impulslara işləyir. Doğuşdan bir ay öncə doğum evində belə aparatın olub-olmamasını dəqiqləşdirin və ondan istifadə etmə qaydalarını öyrənin. Uşaqlıq yoluna aparan sinirlərin kürəkdə toplandığı nayihədə dörd elektrod yerləşdirirlər. Elektrodlar naqillərlə əllə idarə edilən pulta birləşdirilmişdir. Onun köməyi ilə cərəyanın gücünü nizamlamaq mümkündür.
Təsiri: aparat doğuşun ilk mərhələsində ağrını azaldır. Sancılar çox ağrılıdırsa aparatın fəaliyyəti az effekt verir. Uşağa heç bir təsir göstərmir.
|
