 Doğuşdan sonra qarın formasının bərpa olunması
Siz ana olmusunuz. Doğuşdan sonrakı analıq sevincindən əlavə, çox vaxt qadını bədən forması və stresslə bağlı problemlər izləyir. Qarıncığı nə qədər içəriyə doğru çəksəniz də yox olmur, əksinə aşkar qalır. Bu səbəbdən də əhval-ruhiyyə korlanır və özünü qiymətləndirmə aşağı düşür.
Hamiləlik dövründə orqanizmin hormonal bərpası nəticəsində piy qatı artır. O, dölü xarici təsirlərdən qoruyur. Bu qarına aiddir, buna görə də doğuşdan sonra, tədricən öz normasına qayıtmalı olan gərilmiş əzələlərdən əlavə, qarında həm də piy qatı qalır. Buna görə də o, qabağa qabarır və nahamar görünür.
Nə etmək olar?
Qarın əzələlərinin gücünü artırmaqla və onu lazımi formaya salmaqla, eyni zamanda, piyin faizini azaltmaq lazımdır. Qarın basqısının əzələlərinin zəifliyi qarının gərilməsinə və sallaqlanmasına gətirib çıxarır. Onların tonusunun yüksəlməsinə qarın basqısının əzələlərinin inkişafı məşqləri yardım edir.
Qadınların xüsusi diqqət ayırmalı olduqları məsələ əzələ bərkitməsi məşqlərinin təbii doğuşdan yalnız 6-8 həftə sonra, qeysər kəsiyindən isə 2-2,5 ay sonra başlamaqdır. Bundan erkən vaxtlarda qarına edilən ağırlıqlar tikişlərin aralanması (məsələn qeysər kəsiyindən və ya yırtılma zamanı aralığın tikilməsindən sonra), qarındaxili təzyiqin artması və uşaqlıq yolu divarcığının sallanması kimi çox ciddi xoşagəlməz hallar yarana bilər. Ona görə də fiziki ağırlıqlara hələ tələsməyin, bərpa dövrü vaxtı isə rasionunuza fikir verin və ondan yüksək kalorili ərzaqları xaric edin.
|
